مجرد راي --- عبدالرحمن مختار
 

السلام عليكم جميعا الاهل في قروب الوادي الحبيب جمعيا بعد اذن الاباء والاخوان عاوز اعلق علي حاجه بسيطه كدا بتحصل في مجتمعنا او دخيله علي المجتمع في الوفاه تقبل الله المتوفين من الاهل والاحباب جميعا وادخلهم الفردوس الاعلي في يوم الاول للوفاه و اليوم التاني وبالاخص اذا كانت الوفاه والدفن في الساعات الاولي من الصباح يعني زمان بنسمع ويحكي لما تكون في وفاه في الوقت دا الناس بتشيل بعض خصوصا في وجبة الفطور كل واحد يجي شايل صحنين عصيدة والناس بتتكفي حاليا الواحد يكون شايل هم الاكل قبل ستر الجسمان لي الناس ما ترجع زي زمان لو كل واحد فينا شال صحن عصيدة الناس بتتكفي وزيادة لي الواحد لازم يضبح وطباخ وهيلمانا في الوفاه لي الواحد يكون مجروح في القلب بسبب الوفاه ومجروح في الجيب مابعد الوفاه من خساره في الكشف الناس تكون واقعين ولا شنو وبعدين برنامج كراسي واجار لي وفاه ولا فرح هو لي الناس ماتجلس في الفرشات علي الاقل الواحد يحس انو اهلو مشاركنو في الحزن لو كل واحد شال هم اخو في الحله مايصير الا الخير والله خصوصا في الوفاه دي بس خليك من كل شي تاني والله الناس في مصابها وفاتحة وهمو في الضبيحه والاكل نجي نعمل حاجة حلوه انو اي زول لا قدر الله حصلت ليهم وفاه اليوم الاول والثاني كلو مافي ضبيحة ولا نار تولع غير الشاي والقهوه فقط كل حد يتكفل في الفطور بصحنين عصيدة وكورتين ملاح اي ان كان شنو والغداء الغداء العادي الفي البيت فقط ضيوف علي اهل كلهم ياكلو سوا العشاء معروف فطير بي لبن ولا فول الموضوع منتهي مجرد راي من ابنكم واخوكم عبدالرحمن مختار اسف للاطاله مجرد راي فقط الناس تحكم علي الكلام واسف اذا كان في غلط او خطا مطبعي والسلام ختام