[عمر محمد الأمين]

عمو جلك
وبقية الأخوان و الأبناء
تحياتنا و وكل عام و أنتم بخير - مع إنها جات متأخرة - بعد عودة الحجاج و عودتنا من الإجازة ، و هذا سبب الانقطاع و الغياب!!!
يا عمو جلك :
النت في وادي شعير ممكن نسميها "حلاوة نت"
تتاوق ليها ساكت لكن ممكن تتناولها وبالرغم من وجود برج تقوية في طابت إلا أن الدخول شبه مستحيل ( يعني الزهاوي لمن يدخل تأكد إنه موجود في (الحصاحيصا)،
تحاول تدخل بالجوال يلهطوا منك مبلغ ألف جنيه وتستعرض المواقع و لا تستطيع فتح موضوع خليك من حكاية المشاركة
و مع صباح الرحمن تجيك رسالة من الشركة إنو اشتراك أنتهى و عشان تجدد أرسل الرقم 00 على للرقم 000 ،

قنعنا من الموبايل قلنا ننشط الدي اس إل وبقينا نحاحي في الشبكة جات ولا ماجت قوت ولاما قوت لمن الليل يهود
فلا موقعا دخلت و لا مشاركة سجلت
يعني يا عمو جلك :
" حلاوة نت حندوكك حندوكك "
ودي ما ممكن يشرحها إلا عمو جلك و شيخ الهادي و الصديق وعثمان السماني ، والشباب يمتنعون خاصة ممن هم في سن بكري
مرة أخرى تحياتي للجميع