[الهادي الامام محمد]

سلام الاخ عثمان والحمد الله على الســلامه0
والله كل ما حاولنا نفتخر ونعتز وتحتفل بحضارة البلد التي خرجت العلماء والاطباء والمهندسين والمدرسين بلاحصر انفجرت قنبلة مؤقوته وهزتنا هز0
ونتباقص في خجل ونسكت بعد ما الناس ماتنسى شويه بعد داك نرفع رأسنا ونقول هفوة فارس وكبوة جواد يمكن تغتفر0
ولكن الحكاية بقت ظاهره ، زي خسوف القمر ، ونخشى تكون ثقافة جيل يحكيها التاريخ وفي الكتب تسطر0
زمان البلد كان فيها ابواتا كبار حجازين ورضايين وللشورا تمامين بشيلوا ويختوا بعدلوا اللعوج ومابرضو الخمج 0
اها بعد ديل مافاتو نحن نصم خشومنا ونسكت ونخلي الناس غبايا تلوس وتعوس ، ولا الناس تقعد في الواطة وتشوف ليها حلل مدروووس0
اتمنى ان يشارك كل واحد بالرأي في المسأله وتؤخذ ماخذ الجد ونخلى المهزله 0
تناقش في الجوامع ، في المدارس ، في المؤتمرات الخ وانا معاك ياعمر الرياضه مهمه ولكن يجب ان تتوفر ليها العده0
المؤتمر العملوه حتى الان ما رفع لينا برامج واضح للمشاكل في الحله والحلول المقترحه0
الشباب عنصر فعال جدا وخاصة طلبة الجامعات لازم يكون ليهم برنامج توعية تثقيفية ودينيه ومهرجانات سنوية 0
باقي الناس كلهم لازم تكون عينم مفتحه وكل زول يكون ابو واخو وناصح والمشاكل يطفوها بالصلح والكلمة الطيبة وطيب الخاطر قبال ما تخرج من الاطار وتستلما الدار0
نسأل الله ان يسلم البلد من المشاكل والخلافات