المساعد الشخصي الرقمي

مشاهدة النسخة كاملة : السفر المُر


عبد العظيم أحمد الشيخ
08-29-2010, 10:13 PM
السفر المُر



تسافر قبل ما تودع

قسيت ولا الزمن نساك

نسيت زولاً عشق صوتك

وفرح بهواك

ولو تقدر تسيبو هوي

مسامحك مابسيبو هواك

ولو ترجع مكانك في القلب راجيك

يضمك فيه يتوسد

أنوم وأحلم مع الأطياف

معاك أفرح بكل الكون وبيك أسعد

ولو ترجع أداريك من عيون الناس

وأرحل بيك لدنيا هناك كم أبعد

ولو ترجع يرجع لي زماني الفات

تغني طيور. زهور أغصاني تتفرهد

وترجع لي حرف أسمك غني وكلمات

ولو ترجع من هناك مجروح علي خطوة

بسرع ليك مع الخطوات

ولو سعدك بعيد عني

ببكي علي القِليب المات

أشيلوا رفات أدفنو هناك مع الأموات وأتوكل



الأستاذ/ عبد العظيم أحمد / مكة المكرمة ج/0567409503[/gdwl][/gdwl][/bor]

زهاوي عبد الجليل الامام
08-30-2010, 10:37 AM
الأخ عبد العظيم سلام
قد يغيب المرء عن العين
ولكن يظل حضوراً في الدواخل.....
وحينها لا يكون للوقت والمكان
قيمة غير أنهما أدوات للتلاقي!!
شكراً على هذا النص الجميل الذي أفرزته
أشجان الغربة!!
دمت بود