[عبد العظيم أحمد الشيخ]

يمة يا سفرك وجع

رقم طول الزمن
وفرقك الكان لي مستحيل
طارية ذي الكان أمس
قلتلي ناوية الرحيل
الزمان أكان جمعة
والدفن ساعة المقيل
بكرة صبحان علية عيد
في غربتي صبت دموع
ذي المطر والدنيا ليل
كنته قائل طول السنين
وسفري البعيد
يمكن ينسيني أحزاني القبيل
فجاءه دقيت الجرس
عشان أقول ليكي يمه كل سنة
وأنتي طيبة واشتقته ليك
وراسل ليك يمه توب أبيض
من حرير ناعم جميل
ودايرأسمع دعاكي لي
وصداء صوتك ياحليل
جاني صوت ماهو صوتك
رحلت زمان رحلت هناك
رحلت بعيد رحلت قبيل
سالت دموع زاد الوجع
وأتفتقت كل الجراح
خارت قواي ونهده حيل
سافرتي من قبل الخريف
من قبل ماتبني العشيش
من قبل ما نفرد جناحاتنا ونطير
تخلينا للبرد الشديد والدنيا ليل
أمي يا أجمل وطن راحت سكن
بعد المشاوير التعب وبيك الدليل
كنته فأكرك منتظراني في كل الدروب
أكان قصير أو كان طول
و أسلم عليك وأحضن ضفايرك
وأتملى فيك
أنتي يا نور الصباح الباهي بيك
أنتي يا يمه لي كل الفرح
ودايماً تكون أفراحي بيك
أنتي يا طلت قمر فصل الربيع
كل الزهور حتى الطيور مشتاقة ليك
أنتي يانسمة صباح ورزاز مطر
وجلسة عصر ولمت أهل وسط
الفرح ويباركوا ليك
أمي ياضل الضحى
وسحب الغمام وكل الغرام
إحتجته ليك واشتقته ليك
عايز أجيك أرحل عليك
يمكن ألاقيك مرة تأني
أو ألاقي البشبهك في الملامح
أو في وشيك
***********************
يا ربي بجاه الحبيب
أمي في الفردوس تكون
بين ثمار كل الغصون

الأستاذ/ عبد العظيم أحمد . مكة المكرمة ج/ 0567889214

[/center][/color]

[اسامة المامون محمد الامين]

السلام عليكم الاخ عبد الاخ عبد العظيم او بالاصح العم
كيف الاخبار وربنا يجمعك مع امك في الفردوس الاعلي ان شاء الله وربنا يرحمها ويغفر لها