[زهاوي عبد الجليل الامام]

الآن قد حلّ أصعب فصل من فصول السنة وهو فصل الصيف, وهناك أشياء كثيرة تضاعف من صعوبة
هذا الفصل وتضعه في خانة عدم الاحتمال وهي ارتفاع درجات الحرارة المصحوب بعدم استقرار التيار الكهربائي .
لذلك في هذه الأيام تجد الناس يخرجون من بيوتهم في الصباح متجهين إلى أماكن عملهم وهم يرتدون
وجوه جامدة...متحفظة لا يثير إهتمامها أي شئ .أما في وقت العودة فنجد أن الوضع قد يختلف ويتغير تماماً
لأن تلك الوجوه الجامدة المتحفظة قد يتركها أصحابها داخل أدراج مكاتبهم ويرتدون بدلها وجوه مفترسة...متكفرنة
يتطاير الشرر من كل فتحاتها ,يعني العيون في الصبح قد يكون لونها عسلي أو أبيض لكنه الآن قد تحول إلى
اللون الأحمر القاني أو البني وذلك بسبب أشعة الشمس الحارقة.أيضاً الفم ربما في الصبح نجده تعلوه بعض
الإبتسامات الزائفة المصطنعة لحظة تبادل التحايا مع الآخرين لكنه الآن أشبه بنبع قد جف ماءه وهجره كل من كان يرده في السابق.
أما اللسان هذا العضو الخطير الذي يقال عنه الكثير مثل(لسانك حصانك إن صنته صانك)
أكاد أجزم بل وأتحدى أي سوداني يمتلك القدرة على صون وترويض هذا الحصان هذه الأيام.
لأنه في نهارات هذه الأيام قد يحتدم النقاش ويرتفع ويعلو صوت الحلاقيم ويتطاير الزبد من كل الخياشيم لأتفه الأسباب
لأنه لا توجد بيننا مساحة للتسامح والعفو. في هذه الأيام لا تستغرب إن ألقيت التحية على أحد المارة ورد عليك (بالتسل عينيك),
أو أن تدقش برجلك أحداً دون قصد وتبادر بالاعتذار فتجده يصب جام غضبه عليك ويكيل لك السباب من كل صوب :
-(مالك أعمى ما بتشوف ولا حقارة)
- يا زول حقارة شنو ما قلت ليك ما شايفك خلاص يا إبن العم .
من هنا يجد الشماشرة الحضور فرصتهم التي كانوا يتحينونها ويبدءون في التدخل ليس لقفل باب النقاش والشر
لكن لكي يتشعب النقاش ويسمح لهم بتفريغ كل الطاقات والضغوطات التي تسببت فيها ارتفاع درجات الحرارة.

كسرة: الآن ألا تجدونني واحداً من هؤلاء الشماشرة عندما حاولت أن أفرغ بعض طاقاتي وضغوطاتي على هذا البوست.

[الجيلي المامون]

زهاوي سلامات
لقد تطرقت لموضوع مهم للغاية مع دخول فصل الصيف والسخانة الشديدة
السودانى بطبيعته دمه حااااااااااااار فى الايام العادية ناهيك عن ايام الحر وكمان تجيب ليها قطوعات كهرباء ومع الدم الحار ده وكمان تديهو موية حاره --------
تتخيل وانا فى الحالة دى لو دقشى زول وقول بالغلط دحين بفوتها ليهو ؟؟؟؟؟؟ الا من رحم ربى
المهم ربنا يوفق الجميع لحفظ اللسان
ومشكووووووووور كتير

[الهادي الامام محمد]

بسم الله الرحمن الرحيم والصلاة والسلام على اشرف المرسلين ، صلوا عليه كما امركم ربكم فصلاتكم موصولة اليه في يوم الجمعة والليلية الزهراء0
الاساذ زهاوي السلام عليكم وعلى جيمع افراد اسرتكم 0

حرها شديد ، وقعرها بعيد ، وطعامها الزقوم ، الناس فيها سكارى وما هم بسكارى، كل مشغول بنفسه، حفاة عراة غرلا0000 هكذا وصفت لنا اعازنا الله واياكم منها0

وحر شمسنا في الخرطوم يكفى انه من فحيحها كيف لا وقد صورها حرفك مردفا المثال بواقع الحال ، الناس تلهث، الاعين تحمر ، القلوب تخفق، الزحام يشتد، الاخلاق تضيق ، الفرار يصعب ، الافرنجي ابعد من توأمه العربي زيادة في الشده والنكال، كما مددت اجساد ساكنيها ليذوقوا مزيدا من العذاب0 وكانى الآن في ذلك الحال العرق يصب ، وانا اركض 00 من مكان لمكان وانادي باعلى صوتي رافعا كلتا يدايا ركشه 00 ركشه 00 ركشه ركشه ركشه --- بلا مغيث فصاحبها ايضا فار من الحال0

كسره : تقبل الله طاعاتكم وسلامي لجلك الصغير الذي صحبكم

شكرى لابدعاتك الفنيه ايها المفكر الرائع
سلام اخوك الهادي الامام

[ابو المجذوب]

الزهاوى الرائع جدا جدا

والله سخانه تلحم
بالنهار وباليل لكن باليل الكفرنه محسومه يعنى اى غيم بيم بتوديك الشارع يعنى سخانه بالليل سخانتين
لكن المشكله انو رمضان جاى غايتو لو جاء بنفس السخانه دى ربنا كريم والكلى وجعها بزيد

[زهاوي عبد الجليل الامام]

اقتباس : المشاركة الأصلية كتبت بواسطة الجيلي المامون [ مشاهدة المشاركة ]

زهاوي سلامات لقد تطرقت لموضوع مهم للغاية مع دخول فصل الصيف والسخانة الشديدة السودانى بطبيعته دمه حااااااااااااار فى الايام العادية ناهيك عن ايام الحر وكمان تجيب ليها قطوعات كهرباء ومع الدم الحار ده وكمان تديهو موية حاره -------- تتخيل وانا فى الحالة دى لو دقشى زول وقول بالغلط دحين بفوتها ليهو ؟؟؟؟؟؟ الا من رحم ربى المهم ربنا يوفق الجميع لحفظ اللسان ومشكووووووووور كتير

الأخ العزيز الجيلي سلام..
كم أسعدني مرورك الجميل.
وصية أحذرك ما تدقس وتنزل السودان في
هذه الأيام لأنو( الكهرباء والصيف نوران لا يجتمعان
في السودان)الصيف مضمون لكن الكهرباء وزير الطاقة
ما بضمنها ليك.
دمت بود

[زهاوي عبد الجليل الامام]

اقتباس :

وحر شمسنا في الخرطوم يكفى انه من فحيحها كيف لا وقد صورها حرفك مردفا المثال بواقع الحال ، الناس تلهث، الاعين تحمر ، القلوب تخفق، الزحام يشتد، الاخلاق تضيق ، الفرار يصعب ، الافرنجي ابعد من توأمه العربي زيادة في الشده والنكال، كما مددت اجساد ساكنيها ليذوقوا مزيدا من العذاب0 وكانى الآن في ذلك الحال العرق يصب ، وانا اركض 00 من مكان لمكان وانادي باعلى صوتي رافعا كلتا يدايا ركشه 00 ركشه 00 ركشه ركشه ركشه --- بلا مغيث فصاحبها ايضا فار من الحال0 كسره : تقبل الله طاعاتكم وسلامي لجلك الصغير الذي صحبكم

أستاذنا الهادي سلام
شكراً على المرور و المداخلة اللطيفة ..
تقبل الله منا ومنكم ومن جميع الأعضاء صالح الأعمال
وعقبالكم إن شاء الله ... تحاياك إلى جلك الصغير وصول
إن شاء الله.
خالص التحايا لك وللأسرة الكريمة.

[زهاوي عبد الجليل الامام]

اقتباس : المشاركة الأصلية كتبت بواسطة ابو المجذوب [ مشاهدة المشاركة ]

الزهاوى الرائع جدا جدا والله سخانه تلحم بالنهار وباليل لكن باليل الكفرنه محسومه يعنى اى غيم بيم بتوديك الشارع يعنى سخانه بالليل سخانتين لكن المشكله انو رمضان جاى غايتو لو جاء بنفس السخانه دى ربنا كريم والكلى وجعها بزيد

r="blue"]]الغالي أبو المجذوب سلام..
أعملوا حسابكم من سخانة الليل البتودي الشارع
وخلوكم علي سخانة النهار والجيب!!
وشنو الجرسة دي من أبو الروم إن شاء الله يجي باااااااارد
الله كريم.[/color]

"]كسْرة: ياريت لو عرفتنا بيك أكثر ربما تجمعنا بك الصُدف!!
دمت بود /color][]

[ابو المجذوب]

صدقنى يالزهاوى لما ترجع السودان انشاءالله انا بكون اول من يستقبلك بمطار الخرطوم واعلم يا صديقى اننى متشوق لرؤيتكم والجلوس معكم ومحادثتكم
ياريت اعرف انت فى اى دوله عشان انا سفرى كتير يمكن اجى مكان انت قاعد وصدقنى فى الحاله دى اول انسان ازورو

ويكفى انك واحد من اهلى فى وادى شعير الطيبين

انا زرت وادى شعير كتير جدا وبتجمعنى صداقات وعلائق اسريه مع ناس كتار

002491230663

[زهاوي عبد الجليل الامام]

مشكور أبو المجذوب على الإحساس الصادق
وما تكنه لأهلك بالوادي الحبيب على العموم
أنا مقيم بالمملكة العربية السعودية -المنطقة الشرقية
تـ 00966507983077 ونتشرف بأن نتعرف على أمثالك
دمت بود

[عوض يوسف]

تحية للمتداخلين

بما اننا استمتعنا برؤية الاهل والاحباب والاصدقاء خلال الفترة السابقة في السودان ، وعدنا مرة اخرى للسعودية منذ اربعة ايام ولكن اوصاف زهاوي هي تمام الحقيقة في السودان هذه الايام وهي كذلك لعدد 34 مليون ولسيت كذلك لعدد 1 مليون شخص باعتبار ان تعداد السكان 35 مليون ، اذ ان هولاء المليون من سياسيين وطفليين واغنياء بعرقهم ونفعييين يستمتعون بعرق 34 مليون شخص ويبدعون في الاستمتاع به من سيارات فارهة وبيوت شاهقة ومكاتب فخمة لاتعرف من لهيب الحر شئي ولا تعرف انقطاع الكهرباء .